فى البداية انا كنت ف الدير وجهزت الشنطة عشان اروح
دخلت بسرعة لقلالى الرهبان ابلغهم وقولت لراهب (بدون زكر اسماء اى رهبان) دة فية واحدة مصابة برصاص و بعدها بثوانى جاتلة مكالمة على الاسلكى الداخلى جوة الدير ان فية ناس كتير ماتوا طلعت ابلغ رهبان تانى وهما طلعوا بعربية (4 رهبان) وانا طلعت مع عربية بعدهم طلعنا برة قبل الحادثة الاولى بحوالى 3 كيلو لقينا ميكروباص (ن س ج 4621)الباب بتاعة مخلوع ومرمى على جنب وقدام الميكروباص بنت كانت لابسة بدى ابيض تقريبا وشاب جنب الميكروباص تقريبا لابس قميص او تيشرت ازرق والطلقات ف جنبة اليمين وجوة الميكروباص ف الكابينة قدام السواق واتنين رجالة التلاتة الطلقات ف دماغهم ومنظرهم صعب جدا جداع الكنبة اللى وراهم شاب واخد طلقة ف راسة ومكان الطلقة محفور عامل حفرة كبيرة ف راسة من ناحية اليمين وبنت تانى وراة لابسة بدى اخضر وهى جسمها تخين شوية بعد ما وصلنا مكان الحادثه الاسعاف وصلت بحوالى 15 دقيقة وكل دة واحنا بنطلب طيارة تلحق الارهابيين واعداد الناس ابتدت تزيد بطريقة غريبة بعد ما كنا حوالى 10 رجالة وصلنا لحوالى 1000 شخص ف خلال ساعتين ملحوظة العربية االى فيها الارهابيين دفع رباعى جت من الصحرا ورجعت الصحرا تانى وعلامات الكاوتشات محفورة ف الرملة وموجود اثار اقدام للإرهابيين انهم نزلوا من عربيتهم وبيضربوا عن قرب وسمعت ان عددهم كان حوالى 10 بعد وصول الاسعاف بعتناهم لعلاج المصابين داخل الدير وفى انتظار وصول النيابة للمعاينة بعدها خرجنا لعمل اعتصام على الطريق الصحراوى مع وجود بعض المخالفات والتجاوزات من بعض الشباب ومرة واحدة لقينا 3 عربيات دفع رباعى جايين وعاوزين يدخلوا الشباب منعوهم قالولهم انهم تبع الامن الوطنى مع انهم من العرب وواضح من لبسهم وكلامهم والعربية مش مترخصة ولما الشباب منعوة طلع سلاح الى من جنبة ف العربية وضرب حوالى 5طلقات ف الجو والشباب خدوا منة السلاح بالتعاون مع عساكر الجيش وركب ف عربية اللى معاة وهربوا وساب العربية الاولى فتشناها لقيناها مليانة طلقات اسلحة الية بعدها ولعوا ف العربية والطلقات من الحرارة كانت بتضرب لوحدها بعدها حصلت شوية ظيطة وهرجلة من الشباب اللى تبعنا وسبنا المكان حوالى الساعة 6 ونص عدينا على مستشفى مغاغة لقينا فيها مصابين بينقلوهم للمنيا تقريبا
مرحبا، أسمي محمد وهذه مدونتي أسعى دائما لأقدم لكم أفضل المواضيع الخاصة بالتكنلوجيا
ليست هناك تعليقات:
إرسال تعليق